VÍDEO FINAL DO PDI

 

 Ola amiguiñas e amiguiños:

Remate este curso onde Maruxa se propuxo un obxectivo:

CREAR CONCIENCIA ECOLÓXICA EN TODOS NÓS

Quero recordarvos como nos convidou a participar nesta nova aventura aló polo mes de outubro neste vídeo.

E agora quero que vexades parte do recorrido que fixemos, porque un vídeo non pode amosar todo o aprendido e traballado. Só vos queda aquí unha pequena mostra .

Vídeo Intro Cuenta Atrás Retro Colorido Negro de bibliomaruxa

Un bruxibiquiño

A NOSA HORTA

 Ola amiguiños e amiguiñas:

Canto traballiño hai posto na horta do noso cole! Canto agarimo en cada unha das plantacións, das colleitas e na limpeza e en todo o relacionado coa horta! 

Podedes ver como se foi desenvolvendo neste vídeo.

A NOSA HORTA!! de María M

Tamén o alumnado de quinto C ten moito que dicir sobre se debemos falar de horto oo horta.

Un bruxibiquiño

CONTOS COMPARTIDOS

 Ola amiguiños e amiguiñas:

Ao longo deste curso o alumnado de sexto baixou ás aulas de Educación Infantil todos os xoves para lerlle aos cativiños un conto no momento da lectura.

Unha experiencia marabillosa , todo o que sexa compartir encántanos!

Un bruxibiquiño

NOVIDADES DO TERCEIRO TRIMESTRE

 Ola amiguiños e amiguiñas:

Chega o terceiro trimestre, xa queda pouquiño para rematar o curso, e a nosa bruxiña volveu ir polas librerías do barrio na procura de novos libros para mergullarvos en máis aventuras.

Por petición de moitos de vós, chegan á biblio as andanzas do mago Harry Potter e os seus amigos.

Tamén novos títulos para a tan desexada zona da banda deseñada.

Mais tamén chegaron outros títulos para disfrutar entre todos e todas.

Un bruxibiquiño.

CIENCIA NA RÚA

 Ola amiguiños e amiguiñas!

O pasado sábado 10 de maio unha representación do noso cole foi ao parque de Santa Margarida para compartir coñecementos sobre ciencia e sobre medioambiente. Podedes velo na seguinte presentación.

Grazas a todos polo voso esforzo!

Un bruxibiquiño.

LECXIT

 Bo día amiguiñas e amiguiños:

Xa levamos varios anos traballando man a man coa asociación Meniños no programa LECXIT, lectura para o éxito educativo. Persegue mellorar a comprensión lectora como competencia básica para incrementar a garantía de éxito escolar.

É unha iniciativa que aúna a implicación de persoal educativo dos centros escolares co voluntariado e o entorno de nenas e nenos creando una rede estable, motivadora e sustentadora.

Neste curso traballouse con alumnos de quinto e sexto de primaria, obtendo uns resultados moi positivos.

Ao longo deste curso fixeron un lote actividades os lunes de catro a cinco da tarde. Entre elas, podedes ver este libro viaxeiro entre diferentes coles para conmemorar o día do libro

LIBRO VIAXEIRO

Tamén buscaron entre os libros da biblio frases ou imaxes que lles gustaran aos nenos e plasmaron nun folio.

E moitas outras actividades que lograron conectar ao alumno coa lectura.

Grazas ao esforzo e as ganas que todas as voluntarias poñen para que o noso alumnado avance na súa lectura como parte do seu desenvolvemento global. 

Un bruxibiquiño

ENKI

 Ola amiguiñas e amiguiños!

O pasado 12 de abril no cole celebramos a carreira ENKI organizada polo equipo de Educación Física contando co apoio da biblioteca que aportou numerosos títulos para poder ler nas aulas no momento lector e así visualizar e concienciar sobre diferentes discapacidades.

Podedes ver o vídeo neste enlace ápáxina web do colexio. ENKI

Unha semana pola inclusión e a convivencia.

Un bruxibiquiño