Ola amiguiñas e amiguiños:
Hoxe foi un día moi especial na nosa biblioteca. A rapazada de cuarto de primaria puido disfrutar da presenza da escritora ERICA ESMORÍS.
Veu compartir con nós o seu libro "PATIO DE LUCES". Primeiro contounos a orixe do libro, logo explicounos o proceso de ilustración do mesmo e para finalizar, asinou os libros das nenas e nenos .
Foi un pracer compartir este tempo e escoitala.
Un bruxibiquiño , Érica.
.JPG)
Ola amiguiños e amiguiñas:
Ao longo deste segundo trimestre, o alumnado de Educación Infantil, 2º, 4º e 6º de Educación Primaria visitaron a biblioteca municipal da Sagrada Familia, que é o noso barrio.
VISITA EDUCACIÓN INFANTIL:
As picariñas e picariños do cole visitaron a biblio para que as bibliotecarias lles contasen un conto coa mascota da biblio. Logo disfrutaron escollendo elas e eles un libro e léndoo tranquiliñas e tranquiliños na biblio. Que ben o pasaron!
VISITA 2º, 4º E 6º DE EDUCACIÓN PRIMARIA:
Os cursos pares de Educación Primaria foron á biblio e as bibliotecarias tiñan preparadas diversas actividades centradas nos seguintes aspectos:
- Segundo de Primaria: Traballaron as partes que compoñen un cómic e logo puideron disfrutar da zona de banda deseñada , escoller e ler cómics ó seu gusto.
- Cuarto de Primaria: A actividade proposta foi sobre os contos tradicionais e como foron evolicionando as personaxes ata chegar a versións máis actualizadas deses contos.
- Sexto de Primaria: Para os maiores a visita estivo centrada nos libros informativos e como empregar o buscador da biblioteca.
GRAZAS BIBLIOTECARIAS POR FACER QUE AS NOSAS VISITAS NA BIBLIO DO BARRIO SEXAN TAN EMOCIONANTES E APRENDAMOS TANTO.
Un bruxibiquiño
Ola amiguiñas e amiguiños:
Desde aquí quero amosar a todas e todos o fermoso traballo que fixo todo o cole e dentro do noso PDI: A VOLTA AO MUNDO NAS NOSAS 23 NACIONALIDADES , sobre as receitas típicas dos noso países.
Entre todas e todos puidemos aprender o nome, ingredientes e preparación de pratos tan típicos dos nosos países como as arepas de Venezuela, o mafe de Nixeria, o seekh kabab de Pakistán e así moitos máis. Gustounos moito viaxar de novo polos nosos países da man da súa gastronomía.
Ummm que fame !
Ola amiguiños e amiguiñas:
A pasada semana o alumnado de primeiro de primaria e de segundo, veñeron á biblio para escoitar o contacontos " O VAMPIRO RAMIRO". Estiveron moi atentas e atentos escoitando o conto e mesmo recibiron unha clase de como debuxar o vampiro.
Que ben o pasaron!
Un bruxibiquiño.
