Benvidos ao blogue da biblioteca do CEIP Sagrada Familia...
Ola amiguiñas e amiguiños!
O Día Internacional da Eliminación da Violencia contra a Muller celébrase anualmente o 25 de novembro para denunciar a violencia que se exerce sobre as mulleres en todo o mundo e reclamar políticas en todos os países para a súa eliminación.
No colexio foron varias as actividades que se levaron a cabo . Paga a pena velas!
Un bruxibiquiño
Ola amiguiñas e amiguiños!
O Rato Pérez segue a visitar a toda a nosa rapazada e déixalle o seu agasallo que con tanta ilusión esperades!
Un bruxibiquiño
Ola amiguiños e amiguiñas!
Comezamos o préstamo cun lote de novidades na nosa biblioteca , expostas no andel correspondente para que a nosa rapazada a leve para as aulas e ler no momento adicado á lectura.
Como disfrutades das novidades da nosa bruxiña!
Un bruxibiquiño.
Ola amiguiños e amiguiñas:
Chega novembro e con el o préstamo de libros para ler no momento adicado á lectura en todo o colexiio ( de 12:05 a 12:30)
Para iso, todas as aulas baixan á biblioteca e da man das profes axudantes de biblioteca escollen o libro que queren levar para ler na aula.Os maiores de quinto e sexto fan eles mesmos o préstamo grazas a guía de autoempréstito.
Canto vos gusta vir á biblio e escoller as vosas lecturas!
Un bruxibiquiño.
Ola amiguiños e amiguiñas:
Como todos os cursos no mes de outubro arrancan cara as vosas casas as mochilas viaxeiras.Como ben sabedes, de 1º a 6º de Educaión Primaria todo o alumnado leva a mochila por período dunha semana ben cargadiña con un libro informativo, un de poesía e outro de narrativa adaptado ás idades correspondentes. Tamén un caderno onde anotar as nosas preferencias sobre o que lemos. Un pracer compartir as lecturas da nosa bruxiña Maruxa nas vosas casas.
Un bruxibiquiño!
Ola amiguiñas e amiguiños!
Como todos os meses de outubro, das primeiras actividades que facemos na biblioteca é a de formación de usuarios, algo fundamental na nosa práctica diaria na bilio.
Podedes ver nesta presentación o ben que o pasamos e canto aprendemos. Tamén o noso documento de formación de usuarios.
Un bruxibiquiño.
Ola amiguiñas e amiguiños!
O pasado 30 de outubro a biblioteca botou a rodar coa presentación do novo proxecto que imos traballar neste curso entre todos e todas: " QUE PINTAMOS AQUÍ?"
Así que neste curso centrarémonos en aprender sobre diferentes etapas da pintura , autores , cadros representativos e moitas moitas mais cousas.
Comezaron como xa ben sendo habitual cos maiores presentando o PDI coa carta de Maruxa, o seu vídeo e como non , un agasallo.
Podedes ver todo nestas fotos e no vídeo.
Un bruxibiquiño
