martes, 22 de decembro de 2020

NADAL!!!

 Chegou o Nadal neste curso tan atípico e con tantas cousas novas pero dende a biblioteca seguimos facendo recomendacións para que non perdades a oportunidade de vivir novas aventuras a través dos libros. Aquí vos deixamos as nosas recomendacións, esperamos que vos gusten. Felices Festas!!!!




sábado, 20 de xuño de 2020

FIN DE CURSO

         Chegamos ao final deste atípico curso no que unha pandemia sacudiu as nosas vidas. Agora toca descansar e coller folgos para o vindeiro curso. E mentres non chega setembro podedes somerxervos nas moitas fermosas lecturas que vos recomendamos... aquí as tedes!
         Vémonos o vindeiro curso con moitas lecturas e aventuras máis. Un bico e bo verán!


Premede nas imaxes para amplialas


venres, 15 de maio de 2020

DÍA DAS LETRAS GALEGAS!!!

        Este ano o Día das Letras Galegas vai ser diferente pero igualmente dende aquí queremos facer unha homenaxe a Ricardo Carvalho Calero, o homenaxeado deste ano.


        QUEN ERA RICARDO CARVALHO CALERO?

        Ricardo Carvalho Calero naceu en Ferrol o 30 de Outubro de 1910.  Foi historiador da Literatura Galega, profesor, crítico literario, lingüista e escritor.
        Antes da Guerra Civil foi membro do Seminario de Estudos Galegos e do Partido Galeguista.  Colaborou na revista Nós onde publicou vinte e seis textos. Ademais colaborou tamén en publicacións como A Nosa Terra, Guión Galiza, Resol, Universitarios e Papel de Color.
         Participou na defensa de Madrid como miliciano, foi detido na fronte de Andalucía ao remate da Guerra Civil e condenado a doce anos de prisión. O tempo na cadea marca varias das súas obras como a novela Scórpio, as pezas teatrais A sombra de Orfeo e Os xefes ou o poema Fugíamos da nossa vida.
            Foi liberado de maneira provisional en 1941 e volveu ao seu Ferrol natal. Logo duns anos vai vivir a Lugo para traballar no colexio Fingoi, centro polo que tamén pasaron Méndez Ferrín, Arcadio López Casanova ou Bernardino Graña.
            En 1958 ingresou como membro numerario na Real Academia Galega. En 1963 publícase a primeira eadición da que foi, posiblemente, a súa obra máis recoñecida Historia da Literatura Contemporánea.
            En 1963 recibiu a cancelación de antecedentes penais e foi autorizado a exercer o ensino público; en 1965 incorporouse á Universidade de Santiago de Compostela como profesor de Lingua e Literatura Galega, ao tempo entra como profesor de Lingua e Literatura Española no Instituto Rosalía de Castro.
            A súa tarefa como lingüista dá pé á publicación en 1966 da Gramática elemental del gallego común e é o principal redactor das Normas ortográficas e morfolóxicas que a Real Academia Galega publica en 1970.
            Tras a chegada da Xunta preautonímica formou parte da comisión que establecía as normas lingüisticas para o uso administrativo. Logo de xubilarse en 1980 revisou e reeditou a súa obra literaria e publicou novas obras como a novela Scórpio (1987).
             Falece en Santiago de Compostela o 25 de Marzo de 1990.

(Información e imaxe do Consello da Cultura Galega)

             Para que poidades coñecelo mellor deixámosvos a ligazón a uns xogos lim sobre o autor e a súa obra que ten publicados o Seminario Galán. Hainos para todas as idades, premede na imaxe para ir.
Seminario Galán

                  Tamén podedes ver premendo na imaxe o conto dos Bolechas adicado a Carvalho Calero.


Tedes tamén aquí unha ligazón a un relato de Carvalho Calero.



Probade a xogar con estes xogos de scape room:

Elaborado por Alba Carril e Ana Sánchez Sanmartín

Elaborado por Alba Carril




sábado, 25 de abril de 2020

OUTRA HISTORIA DENDE A CASIÑA!!!

Ola familias:
    Desta volta é Lucía de 5º C a que nos amosa unha historia que fixo estes días na casiña. Esperamos que vos guste.  Grazas Lucía!!!



venres, 24 de abril de 2020

HISTORIAS DENDE A CASIÑA!!

Ola familias!!
         Propuxémos para o día do Libro que nos podiades mandar historias inventadas polos vosos cativos... e aquí temos a primeira!!! Grazas a Izan  de 3 anos A e a súa familia por esta fermosa historia!!!


luns, 20 de abril de 2020

DÍA DO LIBRO!!!

                 Esta semana celebraremos o Día do Libro; aínda que este ano sexa moi diferente dende a biblioteca queremos facervos algunhas recomendacións e unha proposta para que participedes dende a casiña. 
                  Propoñémosvos que inventedes unha historia curta, a gravedes e nola fagades chegar ao correo da biblioteca para que as poidamos publicar  neste blog e ver que historias tan bonitas creades. No correo que nos enviedes co vídeo poñede o nome do alumno e o curso no que está.
                   Aquí vos deixamos a nosa dirección de correo electrónico:
                                        bibliotecaceipsagradafamilia@gmail.com


                  Ademais deixámosvos aquí as seguintes propostas interesantes:
 
* Aquí tedes un corto que fomenta o pracer pola lectura. Premede aquí.

- Déixovos aquí ligazóns para ver contos preciosos:

https://www.youtube.com/watch?v=n8zoAcCJaaM&feature=youtu.be






      Tamén vos deixamos aquí unha ligazón para acceder á "Rede de bibliotecas públicas de Galicia", que permite o préstamo de obras en formato electrónico.

sábado, 18 de abril de 2020

CELEBRACIÓN DO DÍA DA MULLER

    Antes da interrupción das clases polo estado de alarma estabamos a preparar os chanzos do noso cole con frases de mulleres célebres e que co seu traballo, a súa obra e o seu esforzo loitaron por cambiar o mundo. Mirade como nos estaba a quedar a nosa homenaxe no "Día da Muller" .














CONTACONTOS EN LINGUA DE SIGNOS!!!

           Este trimestre que rematou recibimos a visita de Andrés e Bea de ACOPROS para contarnos uns preciosos contos en lingua de signos. Dos máis pequenos aos máis grandes saíron encantados dun contacontos precioso e especial; ademais aprendimos moitas palabras para facer en Lingua de Signos. 
            Grazas pola vosa visita!!! Encantounos!!!










domingo, 2 de febreiro de 2020

VISITOUNOS ANXO FARIÑA !
           Este mes de Xaneiro recibimos a visita de Anxo Fariña, autor e ilustrador do libro "Os ecos do lume". Encantounos a súa visita e aprendimos moito con ela. Aquí vos deixamos a crónica feita polos alumnos e alumnas de 5º C.


anxo fariña video from Ma Toro on Vimeo.