25 N: QUE NINGUÉN VOS CORTE AS ÁS

 Ola amiguiñas e amiguiños:

Hoxe vimos de conmemorar un día moi pero que moi importante " 25 N: Día internacional para a eliminación da violencia contra as mulleres". 

A nosa bruxa Maruxa é unha bruxa feminista que rexeita a violencia en todas as súas maneiras e para iso argallou unhas recomendacións lectoras para este día tan importante e sacou esas lecturas a un recanto no corredor onde poder coller e ler nas aulas , que tiveron moito éxito.

Podedes atopalas aquí:

25 N Recomendacións Lectoras

Publish at Calameo

Mirade que fermoso quedou o noso recanto:

Pero tamén da man do EDLG ( Equipo de Dinamización da Lingua Galega) se montou un photocall en cada corredor do colexio co lema: QUE NINGUÉN VOS CORTE AS ÁS, feito pola rapazada do colexio cunhas mensaxes moi fermosas nas que se rexeita a violencia contra as mulleres. E ata pulseiras fixemos...canto nos da un día tan importante!

FERMOSO DÍA E FERMOSO TRABALLO!

QUE NINGUÉN VOS CORTE AS ÁS

NOVEMBRO: MES DA CIENCIA EN GALEGO NAS BIBLIOTECAS ESCOLARES

 Ola amiguiñas e amiguiños!

Como ben sabedes, o mes de novembro está adicado á ciencia en galego nas bibliotecas escolares. 

A nosa Maruxa quixo transformar a biblio nun lugar de ciencia , científicas e científicos... conseguiríao?

Pois para comprobalo só tedes que ver este vídeo.

Un bruxibiquiño

NOVEMBRO MES DA CIENCIA EN GALEGO NAS BIBLIOS ESCOLARES de bibliomaruxa

INICIO DO PRÉSTAMO QUINCENAL

 Benqueridiños e benqueridiñas:

Como ben sabedes, Maruxa ten unha teima: que todas e todos as cativas e cativos do cole poidan vir á biblio escoller un libro para ler nas súas casiñas. 

Así que o 7 de novembro comezamos co préstamo quincenal de libros . Todo o cole acudiu á biblio na súa hora e escolleron os libros coa axuda das mestras axudantas de Maruxa.... que contentiños iban todos e todas.

CARREIRA ENKI

 Ola amiguiñas e amiguiños:

O pasado 21 de outubro no cole vivimos unha mañá moi pero que moi especial. Co lema: CORRE POR UN MUNDO IMPERFECTO todo o colexio participaou nunha carreira de obstáculos no que tiñan que poñer a proba as súas capacidades físicas e sensoriais. 

Maruxa preparou unha escolma de libros para que as aulas empregaran no momento do proxecto lector que tiñan como protagonistas nenos e nenas con algún tipo de discapacidade , para empatizar con eles e elas. Esa escolma púxoa no corredor da biblio por onde pasa todo o colexio e así poder disfrutar dela.

Aquí tedes un vídeo onde podedes ver en que consistiu a carreira que atoparedes na páxina web do cole:

enki 2022 from CEIP SAGRADA FAMILIA on Vimeo.