mércores, 7 de setembro de 2022

BENVIDAS E BENVIDOS A UN NOVO CURSO

 


Ola amiguiñas e amiguiños! 
De seguro que sentides unhas bolboretiñas nos vosos adentros porque mañá é un día moi sinalado, o día no que volvemos ao colexio. Voltaredes ver aos vosos amigos e ás vosas amigas, voltaredes ver os vosos profes, os vosos recunchos favoritos no patio...unha morea de cousas bonitas que ten a volta ao colexio. 
Aínda que non me veredes polo momento, non pensedes que aínda estou de vacacións, non! Estou argallando novas actividades para divertirnos xuntiños e xuntiñas.
Pronto saberedes cales.
Un bruxibiquiño, 
Maruxa