Benvidos ao blogue da biblioteca do CEIP Sagrada Familia...
O CURSO VAI CHEGANDO AO SEU FIN. UN CURSO NO QUE DENDE XANEIRO SE TRABALLARON OS CONTOS A TRAVÉS DO PROXECTO: UN ANO DE CONTOS.
É HORA DE FACER MEMORIA E LEMBRAR OS TRABALLOS FEITOS NAS AULAS. PODEDES DISFRUTAR DAS CREACIÓNS DOS CATIVOS E CATIVAS NESTAS MEMORIAS GRÁFICAS.
Ola amiguiños e amiguiñas:
Este mes de maio a nosa Maruxa, que é moi aguda, mandou un abalar ás familias convidándoas a vir a biblioteca contar uns contos dentro do proxecto UN ANO DE CONTOS.
Así que os cativos e cativas puideron disfrutar dunha sesión de contos ben diferente: Esta vez non eran nin os compañeiros e compañeiras de sexto nin tampouco as mestras que axudan a Maruxa....eran as nosas familias que viñan pasar un anaquiño ben doce á nosa biblio.
Maruxa quedou fascinada do moito que vos gustou a experiencia e está segura de que o vindeiro curso algunha máis argallaremos da man das familias.
Aquí vos deixamos a mostra do ben que o pasamos:
CONTOS EN FAMILIA de bibliomaruxa
Este 17 de maio , día das Letras Galegas está adicado a Florencio Delgado Gurriarán.
Dende a biblioteca de Maruxa fíxose unha escolma de libros para traballar o autor homenaxeado. Adornou o rincón dos desafíos e tamén aparecían na revista escolar que aquí deixamos unha mostra ( revista editada polo EDLG):
En colaboración co Equipo de Dinamización da Lingua que estivo traballando o Camiño de Santiago , elaboramos unhas recomendacións sobre o tema do Camiño e que quedaran plasmadas no marcapáxinas que todos os anos vai para as vosas casas. Eses libros recomendados voaron da biblio e foron directiños para traballar nas aulas.
Así que unimos biblioteca e EDLG. Os marcapáxinas quedaron fantásticos:
E xa para finalizar, a biblioteca acolleu os vosos traballos: As caricaturas de Florencio Delgado.
Ola amiguiños e amiguiñas:
Hoxe voltamos a ter novas da nosa bruxa. Todas as aulas recibimos unha carta onde nos escribía as seguintes verbas:
EXTRA, EXTRA!
Polo día do libro os nenos e nenas do colexio viñeron á biblioteca de Maruxa despois de recibir unha das súas cartas para convertirse en BOOKTUBERS.
Maruxa e as súas axudantas de biblioteca están moi pero que moi contentas e fachendosa do ben que o fixeron todos e todas, e máis aínda do esforzo e as ganas que lles puxeron nesta 1ª EDICIÓN DE BOOKTUBERS.
O vindeiro curso máis!
Un bruxibiquiño.
Ola amiguiños e amiguiñas:
Como ben sabedes, o que máis me gusta na vida son as bibliotecas, eses lugares cheos de historias, de soños de aprendizaxes... de vivencias. Pois as bibliotecas municipais da nosa cidade oferta unhas actividades fantásticas dentro da programación" PRIMALETRAS".
AQUÍ VOS DEIXO O PROGRAMA.
BRUXIBIQUIÑOS
O xoves 7 de Abril tivemos unha visita moi especial... a do escritor Xulio López Valcárcel. A historia comeza co último desafío de Maruxa polo día da poesía. Á clase dos Pitiños (5 anos A) chegou un libro moi bonito e que dende o principio lles encantou: "O pitiño revolucionario". Tanto e tanto lles gustou que os pitiños quixeron saber quen escribira aquel libro, querían coñecelo e facerlle moitas preguntas!!! E así foi como nos puxemos en contacto con Xulio López Valcárcel... non temos máis que palabras de agradecemento pola súa visita, o seu agarimo e a súa xenerosidade.
Grazas D. Xulio!
